Angutit ulluat, 19. november 2020 

Angutinut isiginninneq

Suiaassuseq najoqqutaralugu kinaassusiiliisarnerit tunngaveqarput inuup aalajangersimasumik suiaassusillip inuiaqatigiinni immikkuullarissumilluunniit aaqqissuussivigisami, soorlu suliffeqarfimmi, ilinniarfimmi allanilu, qanoq periaaseqarnissaanik isummersimanermit.

Suiaassuseq najoqqutaralugu kinaassusiiliisarnerup takutippaa inuit inoqatertik qanoq isigineraat, niviarsiaqqatut/arnatut imaluunniit nukappiaqqatut/angutitut. Suiaassuseq najoqqutaralugu kinaassusiiliisarnerit inuiaqatigiinni tunngaveqarluinnarput inuiaqatigiit qanoq ineriartorsimanerannit, soorlu sumik upperisaqarnermit, sulisoqarnerup ilinniartitaanerullu qanoq ilusilersorneqarsimanerinit, kulturikkut kingornutanit il.il.

Kalaaleq angut sunik ilisarnaateqartippiuk?

Angummik ilisimasaqarpit taama inississinnaanngisannik? Angeruit, sooq?

Pisimasunik nalunngisaqarpit angutip suiaassusia tunngavigiinnarlugu qanoq pissusilersuuteqarnissaanik naatsorsuutiginnittunik?