Kattunnerup misissuineq ingerlassimasaa naapertorlugu, sulisut 56 %-ii isumaqarput arnat persuttagaasartut amerlasuutigut akisussaaqataasartuusut.
Apersuilluni misissuinermi sulisut paasiniaaffigineqartut tassaapput isumaginninnermi siunnersortit, ilaqutariinnut sullissivinni, ulluunerani neqeroorutini, atuarfinni, peqqinnissaqarfinni politiinilu sulisut.
Apersuilluni misissuineq sulisunut 334-nut nassiunneqarpoq, taakkunanngalu 166-it misissuineq naammassisimavaat.
Apersuilluni misissuinermi apeqqutit ilaatigut angerlasimaffinni persuttaasarneq qanoq isumaqarfigineqarnersoq paasiniaasoqarpoq. Apeqqutit ilaanut akissutigineqartoq tassaavoq, sulisut 56 %-ii isumaqarmata arnat persuttagaasartut amerlasuutigut akisussaaqataasarmata.
”Assut narrujuummernarpoq naqisimanninnerullunilu, aamma arnat pisortanit sumiginna- gaasutut misigisartut paasisinnaavakka”, taama oqarpoq Kathrine Bødker, Kalaallit Nuna- anni Naligiissitaanissamut Siunnersuisooqatigiinni siulittaasoq.
Arnat persuttagaasarnerat nassuiaatissartaqarsinnaavoq, kisianni utoqqatsissutaanngisaan- narpoq. Persuttaasarneq assigiinngitsorpassuarnik peqquteqarluni piusinnaavoq, kisianni persuttaasarneq ataasiakkaanit aallaaveqarnera puigorneqanngisaannassaaq. Persuttaasartoq persuttakkani naqisimaniarlugu persuttaaneq atornissaa nammineq aalajangertarpoq.
Persuttaasartut aalajangersimaqqinnaartuunngillat, aamma persuttaasarneq aningaasaqar- nermut imaluunniit inuuniarnermut tunngasumut attuumassuteqaqqissaartariaqanngilaq. Arnat persuttagaasartut nanertisimalersartut, annilaangasalersartut, PTSD-mik tassa tarnimikkut anniaateqalersartut, aamma imminnut nalikitsutut isigilersartut nalinginnaasu- usinnaasoq ilisimaneqartuuvoq. Taamaattoqarneratigut atugarliorneq, toqqissisimanngin- neq, mattunneq, susinnaajunnaarneq ikiorfissaarunnerlu pilersarput.
Arnaq persuttagaasimasoq sapiillisaarluni ikiortissarsiorniaraagami sulisut assigiinngitsut naapittarpai. Peqqinnissaqarfimmi sulisuusinnaapput, politiiusinnaapput, isumaginninner- mut siunnersortiusinnaapput, pamersaasuusinnaapput, suliffigisami pisortarisaasinnaavoq imaluunniit suleqataasinnaavoq. Kikkorpassuusinnaapput.
Persuttagaaneq arnamut ajortorujussuarmik kinguneqarsinnaavoq. Taamaattumik arnaq sulisunik oqaloqateqaleruni persuttagaasimasoq paasineqarluni siunnersorluarneqarlunilu pineqarnissaa pingaaruteqarluinnartuuvoq.
Persuttaasarneq sunaasoq sulisunit paasisimalluarneqarnissaa pingaaruteqarluinnarpoq, aamma aappariinnermi persuttaasarnermut suut kingunerisinnaanerai ilanngullugit. Sulisut arnamik persuttagaasimasumik naammattuuigunik tunngavissaqarlutik sulisinnaanissaat pingaaruteqartuuvoq. Paasineqarluni ilisimasanillu tuniorarneqarluarluni ima paasisas- saavoq, arnap persuttagaajunnaarnissaanut ikiorneqartariaqartoq.
Tamatuma saniatigut sulisut sakkortusisamik nalunaartussaatitaapput.
Arnanut persuttaasarneq inuiaqatigiinni ajornartorsiutaavoq. Naligiissitaanissami ajornar- torsiut, atugarissaarnissami ajornartorsiut, suliffeqarfimmi ajornartorsiut aamma inuit pisinnaatitaaffeqarnerani ajornartorsiut.
Arnanut persuttaasarneq ilaqutariinnut, arnamut, meeqqanut aamma persuttaasumut inui- aqatigiinnullu nukippassuarnik atuiffiusarpoq.
Taamaattumik arnaq persuttagaasoq pisuutinnagu paasilluarnissaa pingaaruteqarluin- naqqissaarpoq.
Persuttaaneq arlaannaatigulluunniit naapertuilluartunngortinneqarsinnaanngilaq! Qanorluunniit ilioraluarutta!!
Inussiarnersumik inuulluaqqusillunga/ Med venlig hilsen/
Best regards,
Kathrine Bødker, siulittaasoq Mobil: 483417