Nunatsinni angutit tatisimaneqarput. Angutit qangali ’suliffii’ aalisarnerup piniarnerullu iluaniittut ikiliartorput, nunaqarfinnilumi illoqarfinnilu minnerusuni suiaassuseq malillugu agguataarneq allanngoriartorpoq, arnammi taakkunannga illoqarfinnut annerusunut nunanulluunniit allanut ilinniariartortarmata. Angutit ilinniartut arnanit ikinnerupput, ilinniartullu akornanni ilinniarnerminnik unitsitsiinnartut taamaasillutillu naammassinninngitsut akornanni angutit arnaninngarnit amerlanerujussuupput. Pissutsit taamaannerani sulisut ilinniarsimasut amerlanerusut nunami maani pisariaqartinneqarput.
Naatsorsueqqissaartarfimmi takuneqarsinnaavoq nunatsinni qaffasinnerusumi ilinniarfinni arnat amerlanerussuteqartut. Kisit- sisittaaq takutippaat imminortartut, anstaltimut pillaatissinneqartartut, angerlarsimaffeqanngitsut, persuttaasartullu amerlanerpaat angutaasartut. Peqqutaasut assigiinngitsuusinnaapput, tikkuaqqajaanarporli apeqqusertariaqarlunilu nunatsinni nukappiaqqanik ’angutivinngortussatut’ perorsaariaaserput ukiorpassuarni attanneqarsimasoq.
Aalisagartassiissutit kisiisa pinnagit oqallissinnaasunik, angutit maligassiusut pisariaqartippagut. Unammilligassammi amerlaqaat.
Kathrine Bøder, siulittaasoq
Mobil: 483417