Nunatsinni Naligiissitaanissamut Siunnersuisoqatigiit ulloq 15. februar 2023 ataatsimiipput. Siunnersuisoqatigiinni ilaasortat piffissamut 2023-miit 2026-mut toqqagaapput. Siulittaasoq tassaavoq Kathrine Bødker siulittaasumullu tulliulerpoq Britta Keldsen (Sulisitsisut).

Siunersuisoqatigiinni siulittaasoqarfiup saniatigut ilaasortaapput Rasmine Geisler (MIO-mit innersuunneqartoq, Grethe Siegstad (Nuummi Qimarnguimmit innersuunneqartoq), Mads Pedersen (AK-mit innersuunneqartoq), Mikkel Andreassen (Unicefimit aamma Peqatigiiffimmit Kalaallit Meerartaat innersuunneqartoq aamma Sofus Fenger Hove (Greenland+-imit innersuunneqartoq.

Nunatsinni Naligiissitaanissamut Siunnersuisoqatigiit piffissami qingaaffimmi nakuusertarneq, arnat angutillu suliffeqarnermi naligiissitaanerat, assigiinngisitsisarnerup akuerineqarluinnannginnera sammivaat digitalikkullu kanngutsaatsiliortarnerit sammissallugit.

Arnat angutillu naligiissitaanerat inuiaqatigiinni atugarissaarfiusuni tunngaviuvoq aammalu angutit arnallu assigiinngisinneqarnissaannik inerteqquteqarneq Kalaallit Nunaanni naligiissitaaneq pillugu inatsimmi allaqqalluni.

”Inuiaqatigiinnili assigiinnggiiaarfiusuni inuuvugut, tassani taaguummit ”angutit arnallu” allaanerusumik inuusunik inuusoqarluni. Nunani Avannarlerni misissuinerit takutippaat, niviarsiaqqat/arnat angutitut/nukappiaqqatut illuatungaanillu misigisimasut, angutaanermit arnaanermiillu allaanerusumik inuusut arnatut angutitulluunniit misigisimanngitsut immikkut navianartumiittut. LGBT+-imiittunik oqaloqateqartarnertigut paasivarput LGBT+ pillugu paquminartut oqallisigineqarnissaannik pisariaqartitsisoqartorujussuusoq. Siunnersuisoqatigiinni suliffeqarfinni naligiissitaanerunissaq LGBT+-imiittunillu assiginngisitsinerup annikillisinneqarnissaa sulissutiginiarpagut”.

LGBT+ isumaqarpoq, arnat arnaqatiminoortut, angutit anguteqatiminoortut, suiaaqatigisaminnik suiaaqatiginngisaminnillu atoqateqartartut aamma angutaanermiit arnaanermiillu allaanerusumik inussut.

Kathrine Bødker aammattaaq oqarpoq: “Siunnersuisoqatigiinnik nutaanik suleqateqarnissara qilanaaraara siunnersuisoqatigiinnilu assigiinngiiaartorpassuarnik piginnaasaqartunik ilaasortaqalernera nuannaarutigisorujussulluugu. Pingaartumik malugaara angutit naligiissitaaneq pillugu tamanut isummaminnik oqaatiginninnissamik sapiissuseqartut siunnersuisoqatigiinni ilaasortaalersut aamma LGBT+-imi ataatsimoorfik siunnersuisoqatigiinni sinniisoqalernerat nuannaarutigaara

Kathrine Bødker, siulittaasoq
Attavissaq: 48 34 17