Inatsit
Angutit arnallu naligiissitaanissaat pillugu Inatsisartut Inatsisaata nr. 3-p, 29. november 2013-imeersup § 2-ani, imm. 2 malillugu arnap angutilluunniit uumisaarneqarnissaa imaluunniit kinguaassiuutinut tunngasutigut kannguttaatsuliorfiginissaa inerteqqutaavoq.
Kinguaassiuutinut tunngasutigut kannguttaatsuliorneq sunaana
Kinguaassiuutinut tunngasutigut kannguttaatsuliorneq, tiinganiarsarineq, nalinginnaa-sorujussuuvoq, aammali paquminartutut isigineqarluni, qanga isummiussanut atatin-neqartoq.
Tiinganiarneq oqaatigilluaannarlugu tassaavoq kinguaassiuutinut tunngasutigut, kanngut-taatsuliorfigineqartup kissaatiginngisaanik nuannarinngisaanillu, iliuuseqarneq.
Tiinganiarnerup ilisarnaatigaa kinguaassiuutinut tunngasutigut kissaatigineqanngitsumik iliuuseqarneq, soorlu attuuanninneq, naalanngitsunik quiasaaruteqarneq peqqusaarnerlu.
Ilisarnaatigisinnaavaattaaq allamik suiaassusilimmut kannguttaatsuliorneq, tassa suliffimmi allamik suiaassusilimmut kannguttaatsuliornertut nipilimmik iliuuseqarneq, soorlu oqaatsitigut oqaaseqanngikkaluarluniluunniit kinguaassiuutinut tunngasunik, pineqartumut nikanarsaataasinnasunik kanngunarsaataasinnaasunillu, iliuuseqarneq.
Kanngunarsaataasunik iliuuseqarneq suleqatinit pisortarisanillu iliuuserineqarsinnaavoq, taakku namminneq taamaaliornerisigut nipaatsumilluunniit akuersaarnerisigut.
Akuerineqarsinnaanngilluinnarpoq arnat angutilluunniit kinguaassiuutinut tunngasutigut kannguttaatsuliorfigineqarnissaat. Tamanna eqqorneqartunut inuttut akisoorujussuuvoq, taamaattumillu pingaaruteqarpoq kannguttaatsuliornermit eqqorneqartut erseqqissuliuutigissagaat taama pineqarnertik akuerisinnaanngilluinnaramikku.
Kinguaassiuutinut tunngasutigut kannguttaatsuliorfineqarnerup kingunerigajuppaa imminut pisuutinneq kanngusunnerlu.
Kinguaassiutinut tunngasutigut kannguttaalliorneq tassaavoq naligiissitaanissami ajornartorsiut, pigissaarnermi ajornartorsiut, suliffimmi ajornartorsiut inuillu pisinnaatitaaffiisigut ajornartorsiut.
Kinguaassiuutinut tunngasutigut kannguttaatsuliornernut assersuutit:
Kannguttaatsuliorneq pisarpoq oqaatsitigut, sioorasaarinertigut timikkulluunniit attuuanninnertigut.
Kinguaassiuutinut tunngasutigut kannguttaatsuliorneq sumiluunniit pisarpoq. Suliffimmi, angerlarsimaffimmi, aqqusinermi, illoqarfimmi, tassami sumiluunniit inuit naapittarfiini.
Kinguaassiuutinut tunngasutigut kannguttaatsuliornermut assersuutaasinnaapput soorlu qarasaasiakkut attaveqatigiiffitsigut iliuutsit, qarasaasiakkut sioorasaarinerit, toqqorterluni iliuuseqarnerit, annilaangalersitsinerillu.