Podcast

Kalaallit Nunaanni innuttaasut assigiinngitsitsinermik pineqartut assigiimmik pineqarnissaannut inatsimmik illersortissarisaminnik soqanngillat 

Kalaallit Nunaanni innuttaasut assigiinngisitsinermik pineqartut, assersuutigalugu angutaaneq imaluunniit arnaaneq, oqaatsit, innarluut, ukiut il. il. pissutigalugit, assigiimmik pineqarnissamut inatsimmit illersugaanngillat, soorluttaaq assigiinngisitsinermik kalluarneqarsimasut naammagittaalliuteqarnissaannut allaffissornikkut akisussaasumik immikkut ittumik imaluunniit namminersortumik peqanngitsoq. 

“Naligiissitaanissamut Siunnersuisoqatigiit naligiinnissaq pillugu suliniuteqarnerminni #Naliga atorlugu tusagassiortut AminnguaK Dahl Petrussen aamma Bibi Nathansen suleqatigalugit isiginnaagassiani pingasunik pilersitsipput tassanilu naligiissitaaneq, naligiinneq, Assigiimmik pineqarneq, imaluunniit taakku amigaatigisarnerinik ukkatarineqarput. Siunnersuisoqatigiinni ilaasortat kissaataat malillugu, uagut innuttaasutut aammalu naalakkersuinermik suliaqartutut inoqartoq assigiinngisitsinermik pineqartut nunami maani eqqummaariffiginerulissagipput.  

“Inuit akornanni naligiissitaanerup isumaata oqaloqatigiissutiginissaa pisariaqartinneqartoq isumaqarpunga, sorluuttaaq assigiinngisitsinermik pinninneq suunersoq oqaloqatigiissutigineqarnissaa pisariaqarsorigiga “, taama oqarpoq Kalaallit Nunaanni Naligiissitaanissamut Siunnersuisoqatigiinni siulittaasoq, Elisa Petersen. 

Isiginnaagassiani suliat assigiinngitsut pingasut tunngavigineqarput, siullermi arnap inuusuttup inuunermini innarluutilittut ilungersuuteqarnera pineqarpoq, aappaani nunaqarfinniit illoqarfinnut meeqqat atuarfianiinneq sammineqarpoq pingajuanilu Kalaallit Nunaanni angutit inuunerminni atugaannut tunngasuulluni. 

Isiginnaagassiat kalaallisut oqaasertalersugaapput.

Podcast tuluit oqaaseraat isumaqarlunilu; Personal On Demand-casting. Tassa podcastit nittartakkaniit aasassaassapput, taamaattumillu illit nammineq piulleruit piffissaqaleruillu podcastiliagut tusarnaarsinnaallugit, uani: http://www.nali.gl

Eqqissiviitsutut inuuvunga (1:3) uani tusaajuk:

Nammineerniarpunga (2:3) uani tusaajuk:

Meeqqat atuarfiat: Nunaqarfiit vs. Illoqarfiit (3:3) uani tusaajuk: