Qujanaq tunniusimanissinnut

Covid-19 tunillaassortoq pileruttormat arlaqarpugut angerlarsimaffitsinni suliniassagatta angerlartitaasut, akerlianillu inuiaqatigiit unittuunnginnissaat qulakkeerniarlugu assigiinngitsorpassuarnik suliallit ullut tamaasa suliartortariaqartarsimapput.

Perorsaasut ikiortillu pinngitsooratik suliartortariaqartut qitornaannik paaqqutaqartariaqarsimapput, arnat meeqqallu persuttagaanermik nalaataqartut qimarnguinni pigaartunit sillimaffigineqartariaqartarsimapput, ulluinnarni pisariaqartitatsinnik pisiniarsinnaaniassagatta pisiniarfimmiut suliartortariaqartarsimapput, peqqinnissamik ikiortit utoqqartartinnik paaqqutarinnittariaqartarsimapput, peqqinnissaqarfimmi sulisut napparsimasortatsinnik paaqqutarinnittariaqartarsimapput, aamma eqqagassalerisut eqqakkatsinnik aallertarlutillu assartuisariaqartarsimapput.

Angutit arnallu isertitakitsut, sulinerat naammattumik nersorlugillu akissarsiarissaartinneqarnerisigut akuersaarneqanngitsut ullut tamarluinnaasa suliartortariaqartarsimapput, ilaatigut Covid-19-imik tunillatseratarsinnaagaluarlutik allaat. Tamakku ima assigeequteqarput, suliaat ungasissumiit isumagineqarsinnaaneq ajorput.

”Naak Covid-19-imik nalaataqarnitsinni tamatsinnut piumasaqaatitaqaraluartoq, inuit sulinerat naammattumik akuersaarneqanngitsut qutsavigineqarnissaannut kaammattuerusuppunga. Ajornartoornitta nalaani allanngueqataanerat pillugu qutsavigisassaraavut. Siunissami puigunngisassarput tassaavoq, inuiaqatigiinni sulinerat ulluinnarni atukkatsinni qanoq pinngitsoorsinnaanngitsigigivut ersarilluinnartumik takutimmassuk.

Qujanaq tunniusimanissinnut”

K. Ole Olsen

K. Ole Olsen, Covid-19-imik ajornartoornerup nalaani suliffimmini immikkuullarilluinnartumik iliuuseqartarsimavoq.

Qasusuilluni sulisarpoq, aamma naapitani tamaasa qiimalluni naapittarpai.

Ajornartoornerup nalaani inuppassuit tunillatsinnissaminnut annilaangasut akornanni taamatut pisarnera allannguisuuvoq.

Jonas Rohmann Hansen

Neqaarniatutut ilinniartoq, Jonas Rohmann Hansen, Covid-19-imik ajornartoornerup nalaani suliffimmik misiliiffimmini immikkuullarilluinnartumik iliuuseqartarsimavoq.

Pisiniarfimmi nerisassaqartuarniassammat ullukkut unnuakkullu sulisarpoq. Sulinermi saniatigut pigaartuusarpoq, aamma suleqatini ikiorsinnaaniassagamigit sulinermi piffissaq atoqqusaasoq qaangerlugu sivisunerusumik sulisarpoq.

Toqqissisimannginnerup nalaani suliartortarpoq Brugsenimilu pisiniat kiffartuulluarlugit – Aviaja Rohmann Hansen.

Grethe Siegstad

Arnat meeqqallu persuttagaanermik eqqugaasut ikiorneqarnerunissaat Coronaqarnerup nalaani paasinarsitinneqarpoq.

Arnat, angutit meeqqallu angerlarsimaffimmiiginnaqqusaanermikkut ilaqutariinnut ilungersunartorsiortunut imannaanngeqaaq. Persuttaasarneq piunngikkuni takkuteriaannaasoq imaaliallannikkut takkuteriaannaavoq.

Arnanut meeqqanullu angerlarsimaffimmi persuttagaanermik eqqugaasunut suli ajornerulertarpoq, aamma akiuunniarneq navianartarpoq pissutigalugu angutip kamattarnera persuttaasarneralu ajornerulersinnaasarami.

Arnanut tusintilippassuarnut annersaasartumik naalagaaniartumillu aappaqartunut angerlarsimaffimmi aneqqusaannginneq ersinartupilussuanngortarpoq.

”Persuttaasarneq nunarsuatsinni tamani ajornartorsiutaavoq. Ilungersunartortai assigiinngitsuusarput, kisianni kingunerisartagai assigiillutik” – Grethe Siegstad