Partii Naleqqap ”Kina kalaaliua – kalaaliussutsip qanoq paasineqarnera” aallaavigalugu oqallinnissamik siunnersuutaanut tunngatillugu: Kalaallit Nunaanni inuit pisinnaatitaaffii pillugit suliniaqatigiiffit ima oqaaseqaateqarput:
Siullermik inuiaassuseq innuttaassuserlu annertuumik assigiinngissuteqarput, inuiaassuseq innuttaassuserlu PartiiNaleqqap oqallisissiaani akuleriissinneqartutut isikkoqarput. Uagut isumarput naapertorlugu siunissami oqallisissiani piviusut nassuiaatillu akuleriissillugit paatsiveerusimaarnartunik oqaaseqaateqarnissaq mianersuuttariaqarpoq.
Pisinnaatitaaffiit tamanut atuunnerat nolornissutaassanngilaq.
Inuit pisinnaatitaaffiini pillugit Naalagaaffiit Peqatigiit nunarsuarmut tamarmut nalunaarutaat imm.
15 naapertorlugu kikkut tamarmik inuiaassuseqarnissamut pisinnaatitaaffeqarput, taamatuttaaq kikkulluunniitnalaatsortumik inuiaassutsiminnik arsaarneqarsinnaanngillat imal. inuiaassutsiminnik allannguinissaannut itigartinneqarsinnaanngillat.
Inuit pisinnaatitaaffiinut tunngatillugu Naalagaaffiit Peqatigiit isumaqatigiissutaannut arlalippassuarnut- ilaatigut innuttaasutut politikkikkullu pisinnaatitaaffiit pillugit isumaqatigiissummut (CCPR) nunarput ilaavoq, inuiaassuseq inuttulluunniit atukkat apeqqutaatinnagit assigiinngisinneqarnallu inuiaassutsivit allanngortissinnaanera pisinnaatitaaffigigitit imm. 26-imi ersarissumik allassimavoq.
Partii Naleqqap oqallisissiaani makku atuarneqarsinnaapput: ” Ullumikkut kalaaliuneq sumi najugaqarnermik oqaatsinilluunniit tunngaveqanngitsoq, pinngoqaatinik tunngaveqarneq tassalu ”inummik”” imminut taasinnaaneq apeqqutaasoq paasisinnaavarput.
Namminersorlutik Oqartussat inatsisaanni inuiaassuseq eqqaaneqanngilaq, inuiaqatigiinni nunatsinni innuttaasut upperisaminnik oqaatsiminnillu atuinissaannut akornusernagit, kikkut tamaasa- kalaaliuneq kalaaliunnginnerluunniit- apeqqutaatinnagu inissaqartissavagut.
Nallagaaffit allat qiviassagutsigik Tuluit Nunaat ima allattoq assersuutitut takusinnaavarput:
”Illit inuiaassutsit tassaavoq illit nammineq misigissutsit naapertorlugu isummat. Illit inuiaassutsit nunaminunaniluunniit tassanimiutut misigisanni angerlarsimaffittulluunniit eqqarsaatigisanniippoq.
Tamatumani inuiaassutsit imal. innuttaassutsit apeqqutaanngilaq.”
Isumaqatigiissutinit nalunaarutiniillu assigiinngitsunit allaaserisanut tunngatillugu paasissutissanut piviusunut ersarissaavik innersuussutigaarput.
Inuit pisinnaatitaaffii pillugit paasissutissat annertunerusut uani pissarsiarineqarsinnaapput:pisinnaatitaaffikka.gl.
MIO, Tilioq, Naligiissitaanissamut Siunnersuisoqatigiit, Inuit Pisinnaatitaaffii pillugit Siunnersuisoqatigiilu sinnerlugit
Inuit pisinnaatitaaffii pillugit paasissutissat
Inuit Pisinnaatitaaffii Pillugit Nunarsuarmioqatigiinnut Nalunaarut, artikeli 15.
- Kinaluunniit
- Arlaannaalluunniit sumiuussutsiminik arsaagaassanngilaq sumiuussutsiminilluunniitallannguisinnaatitaanissamut itigartinneqassanngilaq.
Innuttaasutut politikkikkullu pisinnaatitaaffiit pillugit nunat tamalaat isumaqatigiissutaat, artikeli 26
Inatsit malillugu inuit tamarmik assigiipput aammalu assigiinngisinneqaratik inatsimmi assigiimmik illersugaanissamikpiginnaatinneqarlutik. Tamanna eqqarsaatigalugu assigiinngisitsineq sunaluunniit inatsimmit inerteqqutigineqarpoq aammalu sumit kingoqqineq, ammip qalipaataa, suiaassuseq, oqaatsit, upperisaq, politikki allatulluunniit soqutigisaqarneq, nunamit inooqataanikkulluunniit aallaaviit, nalituunik pigisaqarneq, sumi inunngorsimaneq inooqataanikkulluunniit allatullu atassuteqarneq, inunngorfik allatulluunniit inissisimaneq eqqarsaatigalugit assigiinngisitsinnginnissaq isumaqatigiissummi matumani piginnaatitaaffiit kiffaanngissuseqarnerillu atuunnissaat inatsisikkut qulakkeerneqassaaq.
Innuttaasutut politikkikkullu pisinnaatitaaffiit pillugit nunat tamalaat isumaqatigiissutaat, artikeli 27
Naalagaaffinni inuianni, upperisarsiornikkut oqaatsitigulluunniit ikinnerussuteqarfiusuni inuit ikinnerussuteqartunut taakkununnga ilaasut nammineq kulturikkut inuuneqarnissamut, nammineq upperisaminnut nassueruteqarnissamut ingerlataqarnissamullu imaluunnit nammineq oqaatsiminnik atuinissamut ikinnerussuteqartuni ilaasortat allat peqatigalugit pisinnaatitaaffiannik nangarneqassanngillat.