Kalaallit Nunaanni Naligiissitaanissamut Siunnersuisoqatigiit, Kalaallit Nunaanni Inuit Pisinnaatitaaffii pillugit Siunnersuisoqatigiit aamma Inuit Pisinnaatitaaffiinut Instituti assigiinngisinneqarnerit aamma kinguaassiuutinut tunngasutigut kannguttaatsuliorfigitinnerit pillugit oqaluttuanik katersipput. Kalaallit Nunaanni inuit atoqatigeeriaasertik, arnaasutut angutaasutulluunniit misiginertik, arnaasutut angutaasutulluunniit takutitsisarnertik imaluunniit arnaasutut angutaasutulluunniit ilisarnaatitik tunngavigalugit assigiinngisinneqarsimasut februarimi martsimilu 2023 apersussavagut. Inuit suliffeqarfimmi suliffeqarfiulluunniit avataani kinguaassiuutitigut kanngutsaatsuliorfigitissimasut apersussavagut.
Apersuinerit ataatsimut saqqummersitami ilanngunneqassapput, tassani Kalaallit Nunaanni assigiinnginneqarnermut illersorneqarnerup qanoq pitsanngorsarneqarsinnaanera sammineqartilissavarput, pingaartumik LGT+-imi inuit illersorneqarnerat aamma suliffimmi kinguaassiuutinut tunngasutigut kanngutaatsuliorfigitinnernut tunngatillugu taarsiiffigitisinnaanermut periarfissiilluni maalaartarfimmik atuutilersitsinissaq sammineqassallutik.
Illit apersorneqarfigerusunnerusanni apersuisoqassaaq – naapilluni oqarasuaatikkulluunniit. Apersuineq kalaallisut danskisulluunniit ingerlanneqarsinnaavoq.
Asseq atorlugu takutikkuit iluaqutaassaaq piumasaqaataananili. Asseq ataatsimut saqqummersitami oqaluttuat arlallit akornanni oqaluttuannut ilanngunneqassaaq. Aamma oqaluttuat assillu inuit internetimi attaveqaqatigiiffiini ilanngussatut atorneqarsinnaavoq.
Attavissaq: Nali@nali.gl
Sms-toqarsinnaavoq: 48 22 12
