“Aperilaa”- Taaguut naligiimmik naleqarneq suunersoq ataatsimoorluta oqaloqatigiissutigisigu.
Kalaallit Nunaanni Naligiissitaanermut Siunnersuisoqatigiit siunnersortit suliffiutaat Great- talks qanoq suleqatigalugu taaguutip naligiimmik naleqarnernerup suunera ukiumi kingullermi samminikuuaa. Oqaloqatigiinnermi qarasaasiakkut sakkoq soqutiginartoq kinguneraa taannallu Nuna tamakkerlugu naligiissitaanerup ulluanut ulloq 20. maj 2022, atatillugu saqqummiunneqassaaq.
Oqaloqatigiinnermi sakkoq ”Aperilaa”, sammisanik assigiinngitsunik imaqarpoq, sammisani ataasiakkaani naligiimmik naleqarneq pillugu oqaloqatigiinnermi peqataasut atorsinnaasaannik apeqqutinik arlalinnik imaqartoq.
Apeqqutit Kalaallit Nunaanni inuiaqatigiit sinniisaat workshopini arlalinni apeqqutinik ineriartortitsinermut tapersiisut suleqatigalugit pilersinneqarput.
Uagut inuit assigiinnik piginnaasaqarluta aallaaveqarlutaluunniit inunngunngilagut, tamanna immikkut inuunermi tunngavigeqarpugut, tamakkulu inummiit inummut assigi- inngitsorujussuusinnaapput. Tamatta immikkut assigiinngitsunik inuunermi misilittagaqarpugut.
Assigiinngissuteqaraluarluta ataatsimoorfimmi ilaasutut misigisariaqarpugut, tassanili ersarippoq naligiimmik naleqarnerup suunera inuit akornanni oqaloqatigiissutigineqarnissaanik pisariaqartitsisoqartorujussuusoq. Naligiimmik naleqarneq oqaloqatigiissutigigaangatsigu ataatsimoorfeqarnermi tamatta peqataanissarput pineqaannarneq ajorpoq, pineqartussarli tassaavoq ataatsimoorfimmi inunnik nikanarsaaviunngitsumi avataatitsiviunngitsumilu tamatta peqataanissarput.
Tunngaviusumik pineqartoq tassaanngilaq suleqataanissaq akerlilersuisuunissarluunniit, kisiannili assigiinngissutitta ataatsimut paaseqatigiissutigilernissaat ataqqineqarnissaallu. Peqataatitsinerup asigiinngiiaassusseqarnerup akuersaarneqarnera assigaa, assigiinngiiaassuseqarnerup iluaqutaa tassaavoq inuit ataasiakkaat aassigiinngissutaasa akuersaarluni ataqqinnillunilu iliuuseqarfigineqartussat inissaqartinneqarsinnaanerat akuersaarneqarnis- saallu.
Kalaallit Nunaanni inuussutissarsiutini, angerlarsimaffimmi, politikkimi ilinniakkanilu piginnaasallit isumalluutillu tamaasa atorfissaqartippagut. Naligiissitaanermut
Siunnersuisoqatigiit inuit assigiinngissutaat pingaaruteqartutut isumalluutitullu inuiaqatigi- inni naligiimmik naleqarnermik naligiissitaanermillu pilersitsisussatut isigaat. “Naligiilersitsinissaq ataatsimut suliniutissaavoq naligiimmillu naleqarneq ataatsimut pilersissavarput – Kathrine Bødker Kalaallit Nunaanni Naligiissitaanermut Siunnersuisoqatigiit siulittaasuat.
Naligiissitaanermut Siunnersuisoqatigiit nuna tamakkerlugu naligiissitaanerup ulluanut atatillugu neriuutigalugu oqaloqatigiinnermi sakkoq inuiaqatigiinni naligiinnerulernermut aqqutissiuissasoq akuersissutit innuttaasunut toqqakkanut 100-nut agguaatissavaat. Nunafonden oqaloqatigiinnermi sakkup ”Aperilaa” pilersinneqarneranut tapiissuteqarpoq.
Katrine Bødker, siulittaasoq / formand Mobil: 483417