Skip to content
Facebook Instagram

Pilluta

Naligiissitaanissamut siunnersuisoqatigiit piginnaatitaanerat

Naligiissitaanissamut Siunnersuisoqatigiit kalaallit inuiaqatigiinni angutit arnallu akornanni naligiinnerulernissaat suliassarivaat.

Naligiissitaanissamut Siunnersuisoqatigiit

  • Inatsisip atorneqarneranik inuiaqatigiinnilu qanoq atuutsinneqarneranik nakkutiginnissapput.
  • Naligiissitaanissamut inatsimmi §§ 16 – 17-imi Naalakkersuisunit apeqquteqaateqartoqarneranit oqaaseqaasiussapput. Oqaaseqaatit tamanit pissarsiarineqarsinnaasariaqarput.
  • Sammisanik paasissutissiinertalinnik oqallissaarinertalinnillu aallarnisaassapput.
  • Pisortani ingerlatsivinnut taakkulu suliffeqarfiinut, namminersortunut inuiaqatigiinnilu ataasiakkaanut siunnersuisutut atuutissapput.


Naligiissitaanissamut siunnersuisoqatigiittaaq

  • Pisortani suliffinnit suliffeqarfinnillu naligiissitaanissamut suliaqartunut tunniussaqartassaaq,
  • Naligiissitaanissamut suliniutinut tunngasut pillugit oqartussanut isumassarsiortassaaq siunnersuusiortarlunilu.
  • Angutit arnallu qanga ileqquusutut isigineqartarneri pitsaasuunngitsut allanngortinniarlugit paasissutissiisassaaq.
  • Pisortani suliffiit kattuffiillu angutaaneq arnaanerlu piinnarlugit nakuuserfigineqartartut akiorniarlugit suleqatiginnittassaaq.
  • Naligiimmik akissarsiaqarnissaq anguniassavaa aamma suliffeqarfimmi angutaaneq arnaanerluunniit piinnarlugit immikkoortitsinerup ajornartorsiutiginera akiorniassavaa.


Piginnaasat

Naligiissitaanissamut inatsiseqarnikkut siunnersuisoqatigiit inatsisilerinermut piginnaasanik allaffissornikkut naammagittaalliuteqarfiusinnaasumik nunani avannarlerni ilisimaneqarluartutut atortulersugaanngillat. Taamaalilluni Kalaallit Nunaanni Naligiissitaanissamut Siunnersuisoqatigiinni allaffissornikkut naammagittaalliuteqarfeqanngilaq, matumani angutaaneq arnaanerluunniit piinnarlugit immikkoortitsineq imaluunniit allatigut immikkoortitaaneq pineqaraluarpata.

Siunnersuisoqatigiit politikkimut attuumassuteqanngillat, tamanna ima paasineqassaaq pisortani oqartussanut arlaannaanulluunniit pituttugaanngillat, taamaattumik namminneq suliniuteqarnermikkut suliaqartuupput. Taamatut itsillugit siunnersuisoqatigiinni sulineq politikkikkut anguniagaasunit sunnertisimaneqassanngillat.