Kalaallit Nunaanni Naligiissitaanissamut Siunnersuisooqatigiinnut tikilluaritsi
Naligiissitaanissaq, pissutigalugu…
“Naligiissitaaneq eqqartorneqaraangat inuppassuit siullertut eqqaasartagaat tassaavoq, arnat pillugit akiuunneq. Uannut inuttut naligiissitaaneq suli tamatuminnga isumaqarnerujussuuvoq.
Arnat angutillu tamakkiisumik naligiissitaanissaat namminneerlunga illersugaraara. Kisianni taamatut eqqarsarneq naammanngilaq. Uanga tunngaviusumik eqqarsaatiga tassaavoq, inuit tamarmik naligiipput. Taamaattumik naligiissitaaneq naligeeqatigiinnermut tunngassuteqarpoq.
Isumaqarpunga assigiinngisitaarneq qanorluunniit angummut, arnamut, kinguaassiuutit atorneqarnerinut, innarluuteqarnermut, upperisamut, kulturimut, oqaatsinut imaluunniit politikkimut tunngassuteqaraluarpata tunissutaasoq.
Uagut Kalaallit Nunatsinni naligiissitaaneq ullutsinni suli iluamik atorneqanngilaq, uagullu Naligiissitaanissamut Siunnersuisooqatigiinnit suliassavut suli annertoqaat – qulequtarpassuupput sammisassarisavut. Qulequtarpassuit ukiuni tulliuttuni ukkatarilluarnissaannut qilanaarpunga.”
Issuaaneq: Kathrine Bødker, Kalaallit Nunaanni Naligiissitaanissamut Siunnersuisooqatigiinni siulittaasoq