Nakuusertarnerup unitsinniarnissaa iliuuseqarfiginiartuarparput, naligiinnerulerneq aqqutigalugu
Nunatsinni arnat annersarneqartarneri pillugit ajornartorsiut angeqaaq, annersaasartullu amerlanerpaat tassaasarput angutit. Ileqqupalaap unitsinniarneranut iliuuseqaqataarusuppugut, ilaatigullu taamaaliussaagut annersaasarneq eqqartorneqartillugu angutit peqataatillugit.
Suiaassutsimik tunngassuteqartumik persuttaasarneq
Angutaaneq arnaanerlu peqqutigalugu persuttaasarneq – Oqartoqarpoq kalaallit arnat 62 %-ii inuunerminni persuttagaareersimasut. Politiit kisitsisaataat naapertorlugit inunnut ulorianaatilimmik pinerlunneruvoq (persuttaaneq, toqutsineq kinguaassiuutitigullu pinerluuteqarnerit suli Nunatsinni pinerluutini annersaavoq. Ukioq 2017-imi persuttaanerit 845-t nalunaarutigineqarput.
Nukappissat ilisarisimanngisaminnit persuttagaagajunnerusarput, niviarsissalli peeqqaminnit ilaquttaminnilluunniit persuttagaagajunnerusarlutik.
Qanorluunniit inissisimasuni persuttaaneqartarpoq.
Inummik navianartorsiortitsilluni pinerlunneq
Inummik navianartorsiortitsilluni pinerlunneq tassaavoq:
- Persuttaaneq
- Toqutsineq
- Kinguaassiuutitigut pinerlunnerit ilaallutik:
- pinngitsaaliinerit
- meeqqanik 15-it inorlugit ukiulinnik atoqateqarneq
- kinguaassiuutitigut kannguttaalliorneq